d'spezi
 Home | Sponsoren | Gästebuch | Kontakt | Sitemap | Impressum | Links Seite drucken
  -> Wagenbau / 2010

D'Wuche noch em Rambazamba-Fescht 2009 isch es scho wieder mit em Waagebau losgange.

Es sind no nid alli derbi gsi und es het au no nit jede gwüsst, was är z due het. Au s Material zum Waagebaue isch no nit alles do gsi.

Es goht langsam vorwärts mit unserem Waage und es isch unschwär z erkenne, dass mir dasmol e Schtrohwaage baue.

Es isch no e häide Arbeit bis dä Waage fertig wird. Unser Präsi het scho rächt gha, dass mir e Woche noch em Rambazamba-Fescht mit baue agfange hän.

"Zum Glügg" hän mir "öbbe 3 Wagebaucheff" e paar wenigi Arbeiter und de Äint oder Ander wo no e chli blöd umeschtoot. Smiley

E so isch es sicher möglich, dass mir au das Joor wieder pünktlig uf d Oberwiler-Fasnacht fertig wärde.

Mir hän s alt Johr hinter uns glo und s nöi Johrzähnt mit frischem Elan agange. So isch es am 9. Januar 2010 wieder mit em Wagebaue witer gange. Mir hän die zwäite Wagesyte apackt. Es isch au Zyt worde und de Horscht het ab em negschte Samschtig alli beräits uf die Nüni (09:00 Uhr) bschtell. Es isch "wagebautechnisch" no e lange Wäg bis zur Fasnacht 2010............

Jetzt isch s viertletzschti mol Wagebau. Näbem Baue wärde au d Yladig an d Waagevernissage für unseri Passivmitglieder beschproche und s "Guet zum Drugg" vom Päsi-Bricht in de Schnäggeboscht 2010 wird abgsäget.

Wie immer hilft de Nochwuchs mit. Ab und  zu taucht e neis Gsichtli uf. D Schtrohballe hän e äigene Räiz und so macht sich jede si äige Näschtli.

Unser "Zoggelischprützer" das Johr isch de Reto.

So, de Waage wär rächtzytig fertig und zum Schluss het de Roman no si Schiggibar ufmunitioniert. Übrigens, wär unseri Waage-bar beträtte will, mies - gemäss Roman - sini Schuh abzie. D Bar het e neie Teppich überko. Me beachti d Farb...... Smiley

WEB-Design COMASYS Montag, 27. Mai 19 / Copyright © d'Spezi, alle Rechte vorbehalten

Valid XHTML 1.0 Transitional