D Vorberäitige für d Waage-Vernissage sind am Morge zügig in Agriff gno worde und fascht jede  het gwüsst zu weller Zyt und wo er apacke mues. 

S Wätter für d Waage-Vernissage 2017 hät nit besser chönne si. Bi schtralendem Sunneschin und agnäme Temperature hän mir unsere Waage und s Sujet 2017 de Passivmitglieder dörfe presentiere.

De René und d Sabine hän de Hälfer unsere Dangg usgschproche und mir hoffe, dass Käine vergässe worde isch....

Denn sind mir zum gmüetlige Täil übere gange. E grosses Buffet und jedi Mängi z Dringge isch für uns parat gsi.

Am Sunntigmorge sind de Waage und d Wägeli vo de Kinder rutinemässig glade worde. Das Joor het sich alles hautpsächlich um Äier dräit....

S Mittagässe vor em Umzug hän mir traditionsgemäss bi de Erika und em Alisi biko. Danggschön viel mol de Gschtgäber für s gewährte Gaschträcht und für d Bewirtig. Es isch äimol meh usgezäichnet gsi.

S Wätter isch fascht so schöne gsi wie an Vortag an de Waage-Vernissage. Äigetlig wünscht sich e Fasnächlter lediglich trockes Wätter und das het uns de Petrus gschänggt.

Im Benji sini griene Bächer hän in Oberwil no länger Schpure hinterlo.... und sin au dehäi no länger im Isatz gsi.

E Gin Tonic noch em Umzug isch äifach s Bescht. Prost! 

Mir hän uns in de Schiggi zum Mitternachtstrungg troffe, d.h. bis uf äi Wägeler, dä het sich scho noch em Nachtässe verabschiedet.....

Au de Benji het no kurz bevor s hell worde isch de Häiwääg gfunde und  für d'Spezi Giftschnägge s Liecht glöscht.

De Mäntig ghört de Kinder mit de Kinderfasnacht in de Wehrlinhalle. Mir d'Spezi Giftschnägge hän uns näbedra im Rössli zum Jasse troffe, d.h. vier hän e Schieber gmacht  und drei näbedra hän versuecht d Karte richtig z hebe.....

Vom Rössli no e Zwüschehalt im Ambiente, bevor mir zäme zum Nachtässe zum Patric und de Chantal häi sin.

D Jutta und d Ruth hän uns super bekocht. E härzligs Danggschön vo uns an die bäide Fraue. Für de René isch sogar si bevorzugti Vielle Prune-Fläsche organisiert worde. Natürlig hän au no sunsche e paar d'Spezi Giftschnägge devo profitiert....

Noch em Nachtässe sin mir ab ins Pub und hänge bliebe......

Nume zwei vo uns, häns no zu de 99er gschafft.

E so gseht e zfriedene Fasnächtler us.....

D'Spezi Giftschnägge am Zyschtig an der Basler-Fasnacht.

Mir sind parat für d Binninger-Fasnacht.

Die letschti aktivi Fasnacht vom Horscht. Isch schad dass de ufhörsch! Aber äimol e d'Spezi Giftschnägg immer e d'Sepzi Giftschnägg.....

Und nomol e Gin-Tonic uf e Horscht!

De Horscht als Turban-Waggis.

Au d Binninger Fasnacht isch Gschicht. Me gseht sich negscht Joor wieder. Sali zäme und bis bald!