Mir hän uns wie allewyl am Frytig-Obe und am Samschtig-Morge für d Vorberäitige vo unsere Waagevernissage troffe und unseri Fraue und Sympatisante hän dehäi d Vorberäitige für's liblige Wohl gsorgt.

S Mittagässe hän mir zäme im Reschtaurant Brunne in Biel-Benke igno.

Uf die drei hän mir unseri Passivmitglieder zur Waage-Vernissage iglade.

 

Mit e weneli Verschpötig het unser Presi s Wort ergriffe und d Verdanggige vorgno, die neue Mitglieder Martin und Marcel vorgschtellt und de Bruno als neue Fahrer.

Au d Sabine het s Wort ergriffe, s Neuscht duregeh und sich bi de Hälfer bedangt.

Aschliessend sin mir in Velochäller zum Apéro gange. Es isch diskutiert worde und d Vorfreud vo de Fasnacht isch spürbar gsi. S Fasnachts-Fieber isch langsam aber ischer gschtige.

S Lade vo unsere Wäge hän mir am Samschtig-Morge am halbi zähni in Agriff gno. Die Chline und die Grosse hän gholfe so dass es schnäll vorwärts gange isch.

Die alte Herre uf em Wäg zum Apèro.

Kum losgfahre hän si im Rössli scho e Verschnuuf-Pause müese ilege....

Denn het's warte uf d Velo-Waggis agfange....

Es isch e weneli Zyt vergange bis si aztrampe cho sin.

De Cello het `z'erscht no e Sonderysatz müese läischte. Är het im Suchi si Sunneschirm wieder uf Vorderma brocht. Für e Fachma wie de Cello natürlig gar käi Problem.

De Apéro und s Mittagässe hän mir denn bim Alisi und de Erika im Party-Käller biko.

Alisi und Erika, es isch alles tip-top gsi und d Stimmig bi uns scho usgezäichnet.

S Ischto isch als Nögschts uf em Programm gschtande und d Fasnachtsfreud het me jedem agseh.

Und denn isch halbi drei gsi und de Umzug isch losgange.

Super Fasnachts-Wätter hän mir gha. So het's au nit verwunderet, dass d Bsuecher noch em Umzug no am Schtrosserand bliibe sin und d Stimmig inegsuggt hän. Uns isch es e so rächt gsi.

S Nachtässe hän mir im Rössli igno. An dere Schtell em Rolli gueti Besserig. Au ohni Chef isch es usgezäichnet gsi. Wenn's au ohni Chef klappt isch das s gröschti Lob oder?

Mit vollem Maage sind alli froh gsi, wieder uf d Gass chönne z go.

Unseri Fraue hän dört denn Vollgas gä!

Langsam aber sicher isch es denn au für die hartgsottene Fasnächler chalt worde und so het mer sich in d Halle und in d Schiggi zrugg zoge.

Mir hän uns am Mändig-Nomitag im Rössli zum Jasse und Chnoble troffe.

Gwunne hän nadürlig wieder die Gliche wie s ledscht Joor.

Im Reto si Dorfdekorationsbitrag vo de d'Spezi Giftschnägge.

S Nachtässe hets bi de Silvia und em Benji gä und d Jutta het Support gläischtet.

(D Kochkünscht vom Benji hän sich allerdings ufs Fläsche ufmache beschränggt.)

Noch em Nachtässe sin mir den abe ins Schnäggedorf zum Däni ins Pub.

De Zischtig ghört de Schnitzelbänggler. Mir hän uns bim Cello in de Schiggi an de Bar igschtimmt und sin aschliessend ins Ambiente de Bängg go zuelose und e guets Ässe gniesse.

D Bängg sin no nie so schnäll und nochenand imarschiert wie das Joor.

S Bäizeschtärbe in Oberwil macht sich au do bemerkbar....

Es het für d Bänggler halt nume no 6 Bäize zum alaufe.

Für d Binninger-Fasnacht hän mir unsere Waage für unser Binggis parat gmacht und sin denn zur Silvia go ässe.

Es isch gsi wie an de Oberwiler-Fasnacht. (usgezäichnet) D Siliva und d Jutta hän für's liblige Wohl gsorgt und de Benji het d Fläsche ufgamcht......

In Binninge hän mir uns zerscht bim Boris zum ischtimme troffe.

Am drei isch es mit em Umzug losgange und d Binggis hän sich mächtig dri gleggt.

Sogar d Bottminger Füürwehr het mit Blauliecht am Umzug mitgmacht.

Si sin allerdings schlächt vergläidet gsi. Me het si scho vo wittem erkennt.

????????

Zwäi unzertrennligi sit de Binninger-Fasnacht.

Au d Binninger-Schugger hän e Priise Fasnacht vo zwäi d'Spezi Giftschnägge abbiko.

Und wär träit unserei Blagede? Natürlig d Sabine.

Zum Nachtässe hän mir uns zäme bim Boris troffe und d Fasnacht usklinge lo.

De letschde d'Spezi uf em Häimwääg.

Em Bruno unserem Fahrer dangge mir für si Ysatz. Du hesch uns guet, unuffellig, ohni Problem und vor allem unfallfrei dur de Umzug dure brocht. Merci viel mol vo allne d'Spezi Giftschnägge 2000 Oberwil.