De Usgangs-Punggt isch wie immer s Ambiente gsi. Dört hat mir uns zu Kaffi und Gipfeli troffe und die wo no nit usgrüschtet gsi sind, hän no s d'Spezi Giftschnägge Polo-Shirt biko.

Am  9i isch es losgange. Vor de Poscht het scho unser Bus uf uns gwartet. De Sandro het sich als Fahrer zur Verfüegig gschellt.

Bi de Autobahn Würelos het's die erschti Bio-Pause gä. Die Glägehäit het de erschti d'Spezi Giftschnägg gnützt um Monopoli z schpiele.

"Zrugg zum Schtart!" het's für ihn ghäisse, d.h. zrugg nach Oberwil...

Busfahre isch ebe  nit Jedermann's Sach.

Langsam isch es allne klarer worde. "Hoch-Ybrig" isch hüt unser Ziel.

Em "Röggli" isch es scho Angscht und Bang worde…  

E Sunnebrülle hesch hüt sicher nit brucht, gäll?

Mit dere Alegig ligsch aber bi däm Wätter quer in der Landschaft. Röggli so goht mer äifach nicht in d Bärge.

E Gondle für 200 Persone ganz eläi für d'Spezi Giftschnägge, bi däm Wätter käi Wunder.

Wär findet uf em nögschte Bild de Fehler?

Aha, no nid emol acho und scho de erscht d'Spezi Giftschnägg bim Cola tringge....

David e so ligsch als d'Spezi aber quer in der Landschaft....

S Mittagässe isch uf de Terasse reserviert gsi. Es het sich aber käine um e Platz an de früsche Luft grisse und s Röggli het fieberhaft noch ere Rägejagge usschau ghalte.

Röggli was soll das? Bisch unter d Designer gange?

Mit däm Designer-Mödäll chasch käi Schönhäits-Prys gwünne und ligsch witterhin quer in der Landschaft, aber de Wätter-Tescht hesch mit dere Kreation beschtande.

Mit Elektro-Power sin mir noch em Mittagässe unterwägs gsi und hän d Umgäbig unsicher gmacht. E Mega-Schpass au bi däm Sch….Wätter.

Nit jede vo uns het mit sine Fahrkünscht bi unserem Guide für Begäischterig gsorgt.

Und alli Fahrzüg wieder sicher zrugg an ihrem Platz.

Und das wär d Winter-Version!

De Sandro het uf em Häimwäg zielsicher die äinzigi Raucher-Bäiz zwünsche Hoch-Ybrig und Oberwil gfunde. Em David und em Martin hets passt!

die letschte d'Spezi hän im Pub no e Absackerli mit uf e Häiwäg bicho.