d'spezi
 Home | Sponsoren | Gästebuch | Kontakt | Sitemap | Impressum | Links Seite drucken
  -> Galerie / Fasnacht 2007

Am Samschtig-Morge hän mir wie immer de Velochäller im Hüslimattschuelhus für unseri Wageverissage vorbereitet.

 

Bi de Familie Merschnigg in Binningen hän mir den wunderbar z Mittag gässe. Super guet, mega viel Dessert und "Sitewägeli" so viel de hesch welle.

Ganz härzlige Dangg! Mir chöme gärn wieder.Smiley

 

Denn isch es losgange. Unseri Gescht sin eine noch em andere igloffe und Alli hän gnueg z'Dringge und z'Ässe biko.

 

Uf em Wage obe isch denn de gross Uftritt vom René, unserem Obma ko. Är het unsere schtille Hälfer mit e me Bluemeschtruss unsere beschde Dangg usgschbroche und alle e scheeni Fasnacht gwünscht.

Au all die wo är sott vergässe ha, a dere Schtell danggscheen viel mol!

 

S Mittagässe vor em Umzug hän mir bim Alisi und de Elvira biko. Beschde Dangg. Es het gnueg gha für alli und isch guet gsi wie immer. Merci viel mol.

Denn isch es losgange. S'Wätter het supper mitgmacht und es isch e ganz e tolle Umzug für uns worde. Uf 2 Etage hän mir gä was mir hän chönne. De Horst het si neus Spielzüg uf em Dach chönne iweihe und unde isch gwietet worde wie veruggt. Sogar für de Urs hets gnueg Wurfmaterial gha.

 

Und ganz am Schluss vom Umzug het sich äine als Gascht uf unsere Wage gschliche. Do hän mir das feschtghalte. 

Du chasch im 2008 gärn wieder mit uns mitmache wenn di s'Fasnachtsfieber wieder packe sot.

Am Mäntig-Nomitag hän mir uns im Rössli zur Läimetal-Rundfahrt troffe.

Unser erscht Zwüschehalt hän mir im Pub in Therwil gmacht.

S Nachtässe hat uns d Sylvia und d Sabine zueberäitet. Beschde Dangg!

Do e Bischpiel wie's dehäi zuegot. Man(n) macht es sich bequem und Frau arbeitet.

De Horst und de Böbbi hän noch em Ässe welle Bäum usrisse. S Gwicht vom Benschi het bäidi wieder uf e Bode vo de Realität gholt.......

De "Doppel-KaffiLutzReto" und s Ergäbins.......... (ungschminkt)

Gäll, du kensch mi nit? (Maskierig in de Schiggi)

De Schümli als "D Spezi Giftschnäg"

In de Wehrlin-Halle het me am Morge no de äint oder ander Bekannti atroffe und de DJ Boombastic het für gueti Schtimmig gsorgt.

Uf em Schtimmigshoch hän den de Schümli und de Hansi no e Tänzli uf em Tisch gmacht. Me geseht's d Schtimmig isch äimolig gsi.

Am Zyschtig hän mir uns im Ambiente zum Schnitzelbängg lose troffe.

Adie Oberwiler-Fasnacht 2007! Scheen isch es gsi!

Am Samschtig, 3. März hän mir uns zur Stärkig für d'Binninger-Fasnacht bi de Sylvia zum Mittagässe troffe. Es isch guet  gsi! Merci Sylvia und Sabine!Smiley

 

Unseri Kinder und d'Kinder vo unsere Passivmitglieder hän sich den voll ins Züg glegt und alles use gä wo mir uf em Wage als Wurfmaterial vorberäitet hän.

WEB-Design COMASYS Dienstag, 16. Juli 19 / Copyright © d'Spezi, alle Rechte vorbehalten

Valid XHTML 1.0 Transitional