d'spezi
 Home | Sponsoren | Gästebuch | Kontakt | Sitemap | Impressum | Links Seite drucken
  -> Galerie / Fasnacht 2013

Wie alli Joor hän mir au für's 2013 e Waagevernissage organisiert und de Petrus het's sowohl für die Waage-Vernissage sehr guet gmäint. Bi de Vorberäitige het's no gschneit, aber am Nomitag wo mir d Wääge unserne Passivmitglieder zäigt hän, het bi -4° d Sunne gschint.

De René het s Zepter überno und s Sujet und si Manschaft uf und näbem Waage vorgeschtellt und si Dangg an alli Hälferinne und Hälfer usgsproche.

 

 

Us gsundhäitlige Gründ het de Peter (är isch im Spital) und de Hansi (är hets im Rugge) pausiert.

Au de Reto het welle........ aber d Clique-Kollege und d Sabine hän das nit zueglo und so het de Reto an de Waage-Vernissage si Goschtüm d Larve und d Zoggeli vom Presi biko.

Den isch d Sabine dra gsi. Au si het ihri Mann... oder ebe ihri Frau-Schaft vorgschtellt, sich bi de Hälfer bedanggt und denn sin alli an d Wärmi in Wellochäller zum Apèro.

Jede het z Dringge und z Ässe bicho und Käine het hungrig müesse häi go.

Am Sunntig-Morge hän mir uns am 09:30 zum Waagelade troffe.

Nochdäm de Traktor denn ändlig - mit Hilf vom Sämi - (danggschön viel mol) hän chönne überbrügge, isch es ans Lade gange.

S Mittagässe hets us Tradition bim Alisi und de Erika gä. Danggschön viel mol an däre Schtell.

Denn isch es drumm gange sich für de Umzug parat z mache, izschto und unseri Chind zur Zyt am richtige Ort z ha. Nit äifach bi dere Rasselbandi, aber d Sabine het das alles beschtens im Griff gha.

Und scho isch de Umzug losgange...........

Die bäide Neue, de Patric mit (c) und de Christian häns sich prächtig geschlage.

Noch em Umzug sin mir im Dorf unterwägs gsi. Hoch und luschtig isch zue und här gange.

Am Mäntig-Nomitag isch e Kinderumzug und Kinderfasnacht in de Wehrlinturnhalle gsi.

 

Mir hän uns im Rössli bim Rolli troffe und sin den witter im Dorf unterwägs gsi.

Bi de Silvia sind mir - wie immer - bi zum Znacht iglade gsi. Das Joor het d Jutta Unterschtützig gläischtet. Merci viel mol.

...... und de Suchi het si jöhrlige Bitrag abglieferet.

Uf em Wäg ins Dorf het uns denn den Winter igholt... br....

Zum Glück isch s Pub af em Wäg gläge..........

De Zyschtig isch de Schnitzelbänggler gwidmet worden. Natürlig verbudnde mit e me feine Nachtässe.

Churzfrischtig hän mir uns entschiede zäme an d Usewüschte in d Wehrlinhalle z goh. Als Sujet hän mir de Papscht usgschpielt, wo grad zruggträtte isch.

D Silvia im d'Spezi-Goschtüm. Machsch di prächtig!

Superschtimmig bi de d'Spezi a de Usewüschete.

Noch em Wage lade het's - wie immer - bim Benji und de Silvia dehäi e feins Mittagässe g, bevor mir uns denn uf e Wäg an d Binninger-Fasnacht gemacht hän.

Mir hän uns in und um d Bäize in Binnine uf d Fasnacht warm trunke und uf unseri Binggis uf unserm grosse Waage blangt.

S Nachtässe hän mir im d'Spezi Familienkräis bim Boris verbrocht.

D Computer-Techknik het au während de Fanscht bi de Binggis nüt an Aziehigskraft verlore.

Und do no et Typ vm Benij: D Fasnacht mit e me Mineralwasser beände. De negscht Daag isch denn viel viel erträglicher...:-)

04:09 und 04:31; de letzschti d'Spezi isch uf em Häiwääg....

WEB-Design COMASYS Montag, 27. Mai 19 / Copyright © d'Spezi, alle Rechte vorbehalten

Valid XHTML 1.0 Transitional