d'spezi
 Home | Sponsoren | Gästebuch | Kontakt | Sitemap | Impressum | Links Seite drucken
  -> Galerie / Fasnacht 2015

Frytig de 13-i.... und was für e Prachtstag für e Waage-Vernissage. Mir hättes vom Wätter här nid besser chönne präiche.

Die Äinte schaffe und die Andere....

wär gwünnt???? De Martin!!!

Interessierte Fasnachts-Nochwuchs.

D Aschproch vo unsere Presi. S isch s 15. Mol und de Schtolz isch gross bim René.

De Dangg goht an alli Gönner, Sponsore und stille Hälfer im Hintergrund. Merci viel mol.

Dä Bätsch! De ganzi Schtolz vom Presi. Reto das hesch guet gmacht!

Unser Ma hinter der Bar an der Wagevernissage. Machsch di guet Cello!

Unglaublig was e so e Fasnacht für Abfallbärg produziert.

Gruppefoti noch em Wagelade.

Unseri Fahrerinne wo uns zum Alisi brocht hän. Merci viel mol!

Vor em Apéro het's ghäisse "Balön ufblose"!

Erika und Alisi, beschde Dangg für d Bewirtig. Mir chöme gär wieder.

Unser Prässe-Schprächer im Isatz vor em Umzug mit em RegioTVplus.

De Reto het rächt gha! De Petrus isch e Oberwiler. Es isch kalt, aber trocke blibe während em Umzug und de Benji het für de Gin Tonic au scho mehr Iswürfel brucht als au scho.

D Stimmig bim Nachtässe im Rössli isch vo Afang a scho guet gsi und s Nachtässe wo deRoli mit sindere Crew anezauberet het isch e Hochgnuss gsi.

Do de Bewis! S Ässe mues guet gsi si, wenn de Täller e so usgseht, bevor är zrugg in d Chuchi goht.

De Horscht het e Balon oder zwäi oder drei oder.............

Um Mitternacht isch für alli d'Spezi Träffpunggt in der Schiggi gsi.

Dr Deggeli-Schorsch soll schints um 05:14 no e Kontrollgang gmacht ha. Är häig aber käi d'Spezi me uf de Gass gfunde.

Am Mäntig isch Kinderfasnacht gsi und wär Luscht und Zyt gha het isch in de Halle go ineluege.

Am 4-i hän mir uns im Rössli zum Jasse und Chnoble troffe. Die erscht Rundi het de Roli überno. Merci viel mol.

E Zwüschehalt im Ambiente um de Fasnachts-Durscht z lösche und denn ab in d Schiggi zum Cello go Znacht ässe, d.h. für die wo no Hunger gha hän und in dr Lag gsi sin öbbis z ässe.

Die Andere hän dehäi iri Fasnachtsbräschte behandlet oder sind suscht wäge irgendere Unpässligkäit ....... nit derbi gsi.

"Zehn kläine Negerlein" hesch das Joor scho am Mäntig chönne afo singe. Fasnacht isch e Dur-Schport und nid e Schprint!

Mit e me Bödeli sin mir witer zum Däni und hän de Obe im Bub usklinge lo.

 

Chantal, bisch s nögscht Joor au derbi?????

De Zischtig schtoht im Zäiche vo de Schnitzelbängg. Unseri Alaufschtell isch d Schiggi gsi und Äin noch em Andere isch itroffe. d.h. die wo no nit atätscht gsi sin.

Im Ambiente hän mir e feins Znacht becho und denn isch äi Bangg noch em Andere igloffen:

- Schnäggewaggis

- Die Subtile

- Die Unerheerte

- Babberlababb

- Mac Väär's

- Dr Schabernack

- D'Schmeissfliege

- Saggosche

 

und ganz am Schluss.....

 

- Fäldschäggli Bangg-Clique e Hochgenuss!

E sehr guete, aber käi schpitzte Joorgang 2015.

De Samschtig, 28. Februar ghört unser Waage de Chinder. Mir hän also am Morge unsere Waage für unseri Chinder glade. Aschliessend sin mir bi de Silvia zum Mittagässe iglade gsi und d Jutta het tätkräftig unterschtützt. Wie immer isch alles beschtens vorberäitet gsi. Danggschön viel mol!

D Zyt um sich uf e Umzug vorzberäite und si Platz uf em Waage iznä isch viel z schnäll umegange. Am drei isch gschtartet worde und de Bruno - unser Fahrer - het mit uns au chönne in Umzug ischlaufe.

D Hardcore-Boys hän s Gscheh us sicherer und immer füechter Dischtanz betrachtet.

Noch em Umzug hän sich alli e bizzeli müesse erhole. Vom Comité hets für alle e Guetschin zum Dringge und zum Ässe gä.

S Clique-Getränk Gin-Tonic vo de Grosse isch nämlig no nit für uns.

Gnueg zum Tringge, Zitrone und Is.

Benji hesch es als Barkeeper absolut im Griff gha an de Fasnacht 2015 und i dim Umkräis käi Konkuränz z fürchte.

E junge Hälfer het de Waage noch em Umzug scho wieder uf d die nögscht Fasnacht vorberäitet. Mir gesht sich wieder. Bis bald an der Fasnacht 2016. Mir freue uns.

WEB-Design COMASYS Dienstag, 19. November 19 / Copyright © d'Spezi, alle Rechte vorbehalten

Valid XHTML 1.0 Transitional