d'spezi
 Home | Sponsoren | Gästebuch | Kontakt | Sitemap | Impressum | Links Seite drucken
  -> Anlässe / Ausgang mit unseren Frauen

Mir hän uns mit unsere Fraue und Partnerinne am Samschtig 21. Januar am Bahnhöfli in Oberwil troffe und sin in d Bottmingermühle go Znacht ässe und die sportlige unter uns hän aschliessend no e paar Chugele d Chegelbahn hindere bänglet. Es soll sogar e paar Sieger gä ha. Aber das isch nit so wichtig gsi. Viel wichtiger isch gsi, dass mir e gueti Schtimmig unter enand gha hän, dass es luschtig zue und här gange isch und dass mir viel hän chönne lache.

De Adrian het si neui Flamme bi uns vorgschtellt.

Um Mitternacht het de Urs Geburtstag gha und e Rundi offeriert.

Uf em Häiwag sin mir no bim Däni im Pub go ineluege. Därt het de Patrick Imark vo de Bierschnägge si 30-igschte Geburtstag gefiert. Wo mir acho sind isch si Geburtstag zwar ume gsi, aber gfiert het är immer no.

 

Übrigens, danggschön viel mol für dini Gin Tonic-Rundi.

 

Es söll de Äint oder Ander gä ha, wo am nögschte Daag e weneli Schädebrumme gha häig. Aber wenn de wäisch wurum, isch es nit so schlimm.

 

Uns hets gefall, de Fraue glaube mir au und so hoffe mir jetzt uf e schöni Fasnacht 2012.

WEB-Design COMASYS Dienstag, 16. Juli 19 / Copyright © d'Spezi, alle Rechte vorbehalten

Valid XHTML 1.0 Transitional