d'spezi
 Home | Sponsoren | Gästebuch | Kontakt | Sitemap | Impressum | Links Seite drucken
  -> Anlässe / Bummel 2012

Am Samschtig, 1 September isch im Bistro Ambiente um 08:45 Uhr Träffpunkt gsi. Bis uf Äine häns Alli püngdlig gschaft.

Nachdäm jede von uns Kaffi und Gipfeli verdruggt het, isch de Ufbrung agschtande.

Es isch drüber diskutiert worde, ob me e Billet vor de Fahrt löse mues oder ob me das im Bus cha mache und scho isch de 64-er Bus noch Dornach beräits azfahre ko und mir hän chönne ischtige.

Wils käi Billetautomat an de Haltschtell het isch au bald jedem klar gsi, dass me e Billet sicher au im Bus cha löse.......

Do gseht me, wär Autofahrer isch und wär ab und zue die öffentlige Verkehrsmittel benützt.... 

Z Dornach sin mir umgschdige und hän de Bus noch Hochwald gno. No isch nit jedem klar gsi, wo mir ane göhn.

Jasse und Chnoble isch bi däm Wätter agsäit gsi und es isch nit lang gange bis die erschti Rundi Gyn Tonic serviert worde isch.

S Mittagässe isch isch guet und richlig gsi und d Jacqueline Vögtli, d Chefin vom Bärgrestaurant Herrenmatt het sogar no e Suppe offeriert. Offesichtlig het si gmäint si sigi fürs Wätter verantwortlig.

Dä Sonderisatz isch uf all Fäll sehr guet bi uns ako. Beschte Dangg!

Swingolf findet dusse statt und so hän mir versuecht um de Näbel ume z spiele, ab und zue e Ball z träffe und wenn mir de Ball denn emol troffe händ im Näbel wieder z finde.

Trotzdäm isch es e schöne Nomitag gsi und es isch im Fäld viel glacht worde.

I dere Bäiz hän mir uf em Häiwäg e ganzi Schtund verbrocht, will äine vo uns nid e so guet z Fuess gsi isch, so dass mir dä Bus do verpasst hän.

Bim Umschtige in Dornach hets au no emol für e Bierli glängt und denn sind mir zrugg in d Häimat noch Oberwil.

Bi de Silvia und em Benij hets de s Nachtässe gä. D Sabine, de Reto und de Pierino hän alles vorberäitet gha, so dass mir gmietlig hän chönne d Bundesliga luege.

Mir häns glat gha mitenand und de letzscht soll noch Mitternacht häi gange si.

Danggschön, dass mir Euri Infrstruktur bi däm Sch...-Wätter hän dörfe gniesse.

Es isch schön e D'Spezi Giftschnägg z si.

WEB-Design COMASYS Dienstag, 16. Juli 19 / Copyright © d'Spezi, alle Rechte vorbehalten

Valid XHTML 1.0 Transitional