d'spezi
 Home | Sponsoren | Gästebuch | Kontakt | Sitemap | Impressum | Links Seite drucken
  -> Galerie / Fasnacht 2008

Vor de Wagevernissage sin mir bi de Heidi im Ambiente verpfläggt worde.

Sogar e Häimweh-D'Spezi het inegluegt und mit uns zäme si Hunger gschtillt.

Das Johr hän mir zäme mit de Bierschnägge unseri Waageverissage duregfiert. Das sin Jungi Wägeler und hän das Johr s erscht mol mitgmacht. 

De Böbbi git do no e weneli "Entwigligshilf" bim montiere vo de Traktorverschalig und unser OK-Päsi de Pröper beschtunt die ganzi Sach.

Pröper es isch nät gsi vo Dir, dass du an unsere Waagevernissage kurz inegluegt hesch.

Mir glaube mir hän fir d Fasnacht 2008 e schöne Wage baut und unseri Bsuecher an de Waagevernissage hän e Freud dra gha.

 

Natirlig het unsere Obma de René im Name vo uns alle - wie allewil - de Hälfer unsere Dangg usgschproche, au dene wo mer nit fotografisch feschtghalte hän.

 

 

De Isabelle Heusser - unsere Schnidere - fir das Mega-Goschtüm. E so ebbis edels hän mir nämlig no nie gha.

Em "Alisi" Peter Gutzwiller fir sini Verpflägig vor em Umzug. Es het sich am negschte Daag zäigt, dass es sehr guet und usrichend gsi isch.

 

Do het är si Helge mit schtolz gschwellter Bruscht wo är vo uns zum Dangg biko het.

Am Sunnit-morge hän mir de Waage glade und sin uns denn zum Alisi go schtärke.

Bi scheenschtem Wätter hän mir am Umzug chenne wiete und intrigiere. Es het Schpass gmacht. Äifach e supermegatolle Umzug hän mir das Johr derfe gniesse und das vor e me gross umfarschierte Publikum. E so isch es scheen Fasnächtler z si.

Am Mändig-nomitag hän mir uns im Rössli bi de Elisabeth und em Roland troffe. Bi däre Glägehäit, "beschte Dangg" fir die offerierte Rundi vom Huusherr. Smiley

 

E Cola-Trinker uf frischer Tat ertappt. Do schint äine no e chli agschlage z si vom Sunntig.Smiley

 

Aschliessend sin mir um e Egge in d Wehrlihalle bi de Chinderfasnacht go ineluege.

 

Unser Nochwuchs isch voll im Isatz gsi und Schpass hets au gmacht wie me gseht.

 

Und denn isch d Kür cho! Uf em Ysweiher het s erscht mol d Waage-Usschtellig stattgunde. D Wääge sind schön ufgräiht worde, de Boris het si Barwaage ufgschtellt gha und Guggemuusige hän gfägt und kracht und zu ere Bombeschtimmig biträit. Mir hoffe das dä Event s negscht Johr wieder stattfindet. Mir sin denn sicher au wieder derbi.

 

 

Und witter isch es gange. Mir hän de Wäg ins Pub unter d Fiess gno. Was me fir e Gin Tonic nid alles uf sich nimmt ...........

E so gseht e zfriedene Wägeler us..........................

 

D Bruederholzsitte de Hang duruf zur Silvia go Znacht ässe um e Bode z kriege isch agsäit gsi. D Silvia isch wie immer e usgezäichneti Gaschtgäberi gsi und guet gsi isch es sowieso.

De Horscht uf de Suechi noch de Fasnacht 2009

Troffe hän mir uns am Zischtig am sächsi z Obe in de Schiggi zum ufwärme.

Im Ambiente hän mir Znacht biko und hän de Schnitzelbängg zueglost.

In der Ziegelei obe hän mir denn sogar unseri Bierschnägge atroffe.

 

Schpöter sin unseri junge no nach Therwil und äine vo de D'Spezi Giftschnägge sig am Mittwochmorge am achti uf em Wäg ins Ambiente zum zmörgele atroffe worde. Zum Gligg hesch am Mittwuch frei gha, gäll Benschi!

Noch de Basler- isch denn no d Binninger-Fasnacht agschtande. Dert hän mir mit unserne Kinder und de Kinder vo unsere Passivmitglieder am Umzug teilgno. S Wätter isch prächtig gsi und d Kinder hän e tolle Fasnachtsabschluss derfe erläbe.

Au das e zfridene Wägeler. Sini Räppliopfer het är uf jede Fall gfunde.

Scheen isch es gsi. Au negscht Johr sin mir sicher wieder derbi. Adie Fasnacht 2008!

WEB-Design COMASYS Donnerstag, 19. September 19 / Copyright © d'Spezi, alle Rechte vorbehalten

Valid XHTML 1.0 Transitional