Am Samschtig, 26. Auguscht 2017 isch am 10i Träffpunggt im Ambiente gsi. Läider hän nit alli chönne derbi si. De letscht het sich am Morge am 7i no abgmäldet, wil är in der Nacht no Bsuech vo e paar Chäfer biko het wo ihn flachgleggt hän.....

Mit em Trämmli- und Bus sind mir am Mittag om Augst itroffe. 300 Meter z Fuess und scho sin mir bi de Minigolfalag Ergolz acho. E chlini Schtärkig hets gä und denn hän mir die 18 Bahne in Agriff gno.

Gseht e so e entspannte Sieger us?

Gschafft!

Ändlig öbbis z Ässe und z Tringge.

D Ranglischte, alles schwarz uf Wyss!

... und do gsesch denn wo de schtosch... Mir wüsse's René, s Läbe cha hart si.

De Wäg vo Augst noch Flüeh het - wärs nit cha glaube isch sälber gschuld - durscht und hungrig gmacht, drum hän mir im Calvados in Rodersdorf e Zvierihalt iplant gha.

Schtandesgemäss sind mir mit de Ross und em Waage bim Restaurant L'Ange vorgfahre.

Bi hochsummerlige Temperature hän mir e feins Nachtässe und de Summerobe gnosse.

D Schiggi het am Schluss no e Gin Tonic für uns parat gha.

E lässige Tag isch es gsi. Mir hän d Kameradschaft pflegt und häns guet gha mitenand.

Für die wo derbi gsi sind hets gschtumme.

Beschte Dangg im René und em Urs fürs organisiere.