Am Frytig, 5. Februar hän d Wägeler d Traktorverschalig montiert, die letzsche Arbeite am Wage vorgnoh und unser Sprayer de Patrick het nomol Vollgas gä.

No e Sonderisatz vom Cello und denn isch de Wage parat gsi.

S Mittagässe hets für uns im Abiente gä.

Denn isch es so wit gsi. D Sponsore, Gönner und Passivmitglieder hän sich langsam aber sicher igfunde. Bi däm früehligshafte Wätter het mer gärn verusse gwartet und d Sunneschtrahle gnosse.

De René het si Asproch ghalte und de Isatz vo allne Hälfer vor während und noch de Fasnacht verdangt.

Au d Sabine het d Asproch für d'Spezi Binggis ghalte und s Sujet 2016 bekannt gä.

Am Sunntigmorge isch es no drogge gsi. De Wätterbrincht het aber nur Hudelwätter agsäit gha. Bim Waagelade het sich am Horizont aber öbbis zämebraut. Kum sin mir fertig gsi mit Waagelade, het's agfange rägne.

Bim Alisi und de Erika hets bi uns traditionsgemäss e Apéro und zur Stärkig für d Fasnacht s Mittagässe für d Wägeler und d "Velöli-Fahrer" gä.

Me het schö bim Mittagässe chönne erahne, dass die Alti Garda uf ihre Drohtesel wohrschinlig nit de Bescht Daag usgsuecht hän...

Do e paar Erinnerigs-Foto und denn isch es ans Ischto gange. No het's grägnet!

Sogar unseri Sujet-Buebe hän mir bim Ischtoh atroffe.

Si hän unser Sujet mit e me polizeilich-wohlwollende Lächle zur Kenntnis gnoh.

Wie me de Bilder vom Umzug agseht, het de Petrus e Iseh gha. Püngdlig uf die halbi drei het är d Schleuse gschlosse und mir hän e troggene Umzug dörfe gniesse.

So lang wie's gange isch bis d Fansacht ko isch, so schnäll isch de Umzug au scho wieder ume gsi.

Mir hän unsere Wage parat gmacht, usegwüscht und de Benji het unseri neui Bar chönne iweihe. De Benji isch i sim Elemänt gsi. Es git doch nüt schöners als Gyn-Tonic usschängge oder?

 

 

E so het's vo usse usgseh, wenn de Patric si Rauchmaschine het laufe lo.

 

 

 

S Nachtässe het's traditionsgemäss im Rössli gä. Haxen!!!! E Fäschtässe für uns.

Am Mäntignomitag isch de Kinderumzug uf em Programm gschtande und mir hän uns uf die vieri im Rössli zum Jasse und chnoble troffe.

Gwunne hän die wo meh gschnurrt, d.h. me hän chöne wiise und die andere sin die moralische Sieger gsi, will si s Beschte mit ihre Karte gmacht hän....

 

S Nachtässe hän mir bim Patric dehäi dörfe gniesse. Zuebräitet isch uns die ganzi Sache vo de Jutta und de Silvia worde. Mir danke für die tolli und gueti Bewirtig. Es isch äimol meh usgezäichnet gsi.

Am Fasnachtzyschtig hän mir uns im Pub bim Däni troffe.

Noch e paar Bierli und e paar Gyn-Tonic hän mir ins Ambiete züglet. Dört hän mir uns mit unsere Frau zum Schnitzelbängg lose troffe.

Am Basler Fansachts-Zyschtig sind alli wieder parat gsi.

Im Chäller vo de Fuege-Fäger.

An de Binninger Fasnacht gehört de d'Spezi-Waage unserne Chinder.

Het do no e d'Spezi Nochwehe vo de Basler-Fasnacht????????