d'spezi
 Home | Sponsoren | Gästebuch | Kontakt | Sitemap | Impressum | Links Seite drucken
  -> Wagenbau / 2009

De Samschtig isch bi uns scho wieder für de Wagebau reserviert. Zum Schtart hets beräits gschneit und mir sin froh, dass mir im Schärme dörfe baue.

 

Was git's Neys?

 

Mir derfe das Johr in Rodersdorf uf em Strengenhof bim Vater vom Til baue. Doderfür sin mir sehr danggbar. Es isch nämlig nid äifach e Bauplatz z finde. Merci viel mol für das Entgägeko.

Ebis Neys hets dä Summer au no gä. Das do isch d Fabienne, de ney Käfer vom Til. Hesch e gueti Nummere zoge! Mir gratuliere und sin natürlig e weneli iversichtig.

De Wage het sini Neutralität mit der Grundierig zrug biko. Negscht Wucheänd chöne mir denn mit der Umsetzig vo unserem Sujet 2009 afo.

 

Au mir sin gschbannt wie das use chunt.

 

Wenn bim negschte Wagebau denn der Boris au no derbi isch wo bishär 2 mol gfählt het, chunt's denn scho guet. Im Neye si Sujetvorschlag het nämlid das Johr bi de Abschtimmig de Zueschlag biko.

Als Boris bis am nägschte Samschtig, gäll!

Wie me geseht, het bim nägschte Wagebau druf ganz anders Wätter gherscht. D'Sunne het uns scho vo Afang a aglacht und so isch es ganz e agnähme Wagebau worde. Bi däm schöne Wätter het sich au de Boris s Wagebaue nid lo nä. Härzlig willkomme!

Unterschtützig hän mir au vo unserem Nochwuchs gha. Bi däm Wätter machts au Spass de Grosse z hälfe.

Kum het unser Kassier d Abrächnig vom vergangene Gschäftsjohr erfolgrich abgschlosse, isch är scho wieder bim verbuche vo sine Inahme. Erfolgrich segglet är jedem hindedri wo si Obolus fürs Mittagässe nid freiwillig füreruggt.

So gseht e zfriedene Wagebauchef us. Offesichtlig ligge mir im Zytplan. Alli Usbesserige sin abgschlosse und negscht Wuche wird mit de Umsetzig vom Sujet 2009 agfange.

Vater und Tochter zäme am schaffe. Guet hesch es gmacht Zoe! Am Wage hets am Schluss fascht glich viel Farb gha, wie an de Jacke........

Unser Wagebauchef als "Meister Propper"! (Saubermann). Anderi mäine är häig sich als Schumschleger versuchet. (Telefonisch hesch en au immer chönne erräiche. (Technik am Ohr macht's möglich!)

Es isch überall gschafft worde, au im 1. Stock isch us- und umbaut worde.

Und e verdienti Pause hän mir natürlig au gmacht. S Stroh het äim doderzu grad iglade.

Do unser Wagebauchef bim Fonude zueberäite. Bsorgt hets de Boris und gässe und trunke hän alli zäme.

Soll no äine sage, de Urs häig nit Entschäidends bim Wagebaue biträit.....

De Böbbi und de Benschi schtriche s neus Schiggeria-Rümli. Während und noch em Umzug isch do de Hohäitsberich vom Benschi mit sine Dringgs. Mir freu uns scho jetzt uf dä Barbetrieb. (Zitrone nit vergässe)

Unser Kinschtler bim schpreie.

De Reto bim zueberäite vom Mittagässe.  D Fritöse isch aber erscht bim zwäite Aläuf vo Oberwil noch Rodersdorf mitcho. Bim warte isch aber käine verhungeret.

Do gseht me unser Kinschtler und Spreyer de Boris a sinere Arbäit. Är het de ganz Arbäitstisch beansprucht und erscht zum Mittagässe wieder frei gä.

Sini Idee sin guet und au mit de Umsetzig hets klappt.

 

Jetzt sin mir gschpannt, wie d Bsuecher vo de Oberwiler-Fasnacht uf unsere Waage profitiere.

De Roman bim Irichte vo sinere "D'Spezi-Schiggi". 

Wenn de allerdings an de Oberwiler-Fasnacht nüt anders azbiete hesch als die Guttere vo däm "Apothekerschnapps", so muesch der bald neyi Schtammgescht sueche. (Alli wän Gyn-Tonic...........)!!!!

Unser Nochwuchs uf de Strohballe isch mit kritische Blick derbi.

De Böbbi bim schprütze vo de "Galaxien". Was das a unserem Waage soll, das gsesch den an de Oberwil-Fasnacht 2009. Bis bald.

WEB-Design COMASYS Donnerstag, 19. September 19 / Copyright © d'Spezi, alle Rechte vorbehalten

Valid XHTML 1.0 Transitional