d'spezi
 Home | Sponsoren | Gästebuch | Kontakt | Sitemap | Impressum | Links Seite drucken
  -> Anlässe / Bummel 2008

Träffpunkt isch am morge am nüni in der Schalterhalle vom Bahnhof Basel gsi.

De Alisi und de Ueli hän mir als kläi Danggschön das mol uf unsere Bummel mitgno. Bäidi sin sit Johre schtilli Hälfer. An dere Schtell e härzlig Dangg.

Alli sin übrigens püngdlig gsi und so hän mir no gnueg Zyt gha um e Kaffi und e paar Bierli hindere z drugge.

Denn isch es losgange. S Ziel isch mit Hornusse in Ramsei verkündet worde und scho sin mir loszoge uf unser Zug wo uns beräits erwartet het.

 

Zem Glügg hän mir unsere Präsi. Wenns noch em Hansi gange wär wäre mir a däm Daag in Ramsei nie ako. 

Unterwägs hän mir denn in Lützelflüh Halt gmacht und sin in Ochsen go zmittag ässe. Wenns ums Ässe und Dringge goht, sin immer die gliche vorne. (De Fotograf isch no wyter forne gsy, nume dä gseht mer nit)

Der Wägwyser zrugg zum Bahnhof hets azäigt. No 40 Minute bis Ramsei.

Uf em Hornusserfäld in Ramsei isch den em Hermann sy Uftritt bi de d'Spezi Giftschnägge agsäit gsi.

Da bodeschdänig Bärner Giel het si Sach supper gmacht und noch sim Atrittsverläse und erschte Awysige hän mir beräits erschti Versüech dörfe unternä die Nous e chli z schtrichle...........

Äin noch em Andere isch dra ko und get e erschte Gehversuch unterno. Es het jede gä was er gha het.

Nume dass unser "Waggis" de Horscht die Nous am witischte gschlage het, das hän nit alli d'Spezi verschtande.

Es het wirglig nit jede e so troffe wie är sich das vorgschtellt het. De Hermann isch grosszügig gsi und het us Mitläid sogar zwäi Nous uf d Startrampe kläbbt.........

Denn isch d Häifahrt noch Basel agsäit gsi. Äinzelni hän beräits d Sunnebrüle müese am Schatte isetze.... Boris was hesch z verschdegge gha????

D Schtimmig isch guet gsi und e paar hän beräits e Schlöfli gmacht, im Wüsse dass me no lang nit häi göhn.

In Basel isch a däm Wucheänd nämlig a jedem Egge e Fescht gsi und mir hän natürlig welle derbi si. (S Klosterbergfescht, d'Iweihig vom Gundeldinger Boulvard etc.)

WEB-Design COMASYS Dienstag, 19. November 19 / Copyright © d'Spezi, alle Rechte vorbehalten

Valid XHTML 1.0 Transitional