De Petrus mäints gute mit de Fasnacht 2019. Trockes Wätter bi 13° isch agsäit gsi und e so isch es denn au useko.

 

 

D Vorberäitige sind wie "am Schnüerli" gloffe und scha bald het s Mittagässe uf uns gwarte.

Unseri Passivmitglieder und Fründi sind püngtlig itroffe und unser Presi de René het s Zepter überno.

De René het gmacht was är am liebschte macht. Är het de Fraue Blueme und Schmütz vertäilt. Was me glehrt het - das het me glehrt...

D Wätterprognose für de Umzug am Sunntig sind sehr guet gsi.

Wo mir am 10i unseri Vorberäitige troffe hän, sind mir vo de erschte warme Sunnschtrale begrüesst worde.

Zerscht isch im Benji si Bar igrichtet worde und denn hän mir de Waage mit em Wurfmaterial glade.

Unseri Alte hän ihr Velo au schnäll startklar gha.

De Bruno, unser Fahrer isch au startklar gsi und scho hän mir unser Ladeplatz chönne verlo.

Es het bi uns mäischtens Äind e Schrube logger…

Das mol isch es aber unser Waage gsi. D Barbelüchtig isch logger gsi und hät de Benji fascht vom sim Isatz als Barkeeper abghalte.

Das goht natürlig gar nit und scho hän sich e paar vo unserne Schluggschpächte an d Reparatur gemacht.

Dä Isatz het Durscht gä und drum hän mir im Rössli scho e erschte Halt müesse mache...

De Reto no völlig cool und logger vor em Umzug.

Der nögscht Halt isch bi de Erika und em Alisi gsi. De Apéro und s Mittagässe hän uf uns gwartet.

Das Johr het de Alisi sogar e Koch für uns angaschiert.

Markus di Risotto isch super gsi. Perfäggt uf e Punggt und im Gschmagg äins A.

Bi e paar vo uns sind Früehligs-Gfühl ufko und drumm hän mir de Kaffi mit em Sittewägeli an de früsche Luft zue uns gno.

E ganz e neu Fasnachts-Gfühl.

Äine vo uns fählt läider wäge sinere schwache Blose uf däre Fotti...

Ischtoh und warte bis es am drei loshoht.

E Fasnachtsumzug zum Gniesse für die Aktive und für d Bsuecher.

Noch em Umzug isch es drum gange, de Wage für de Aschturm vo Benji's Bar startklar z mache.

Also Waage useputze und de Ufschtieg zum Waage freimache. Do ist unser Wüscher im Isatz.

Benji's Bar isch eröffnet! De Benji git use was är het, und är het viel..., viel Gyn und Tonic.

Zum Nachtässe bi de Elisabeht und em Rolland Herren het's Haxen gä.

Zueberäitet wie d'Spezi si gärn hän. Beschde Dangg.

Zur Verdauig isch es ab ins Dorf, in d Wehrlinhalle, ins Pöschtli, in d Schiggi etc. etc.

Am 11i hän mir uns denn in de Schiggi troffe. 3 häns nit e so gnau gno mit de Zyt und äine isch unterwägs verlore gange…

De Mäntig wird's zäige ob er wieder uftaucht.

Wie schtohts a unserem Waage agschriebe: Wer ständig säuft, führt auch ein geregeltes Leben...

De Zischtig-Nomitag ghärt de Chinder bim Umzug und in der Wehrlinturnhalle.

S Wätter het kehrt und für die kläine Fasnächtler isch es in de Halle sicher agnähmer gsi de Nomitag z verbringe.

 

Und mir? Mir hän uns zum Jasse ins Rössli zrugg zoge.

Gwunne hän wie immer die wo me gschnurt (also gwiese) und me bschisse hän...

E chline Zwüschehalt No bim Emanuele im Schwane und Denn sin mir de Hang duruf……

Konditionell hän's nit ganz alli d'Spezi glich druff. De Pulsschlag und s Schnufe isch bim Äinte oder Andere merklig agschtige. S Nachtässe mues ebe verdient wärde.

S Nachtässe hän mir bim Chantal und em Patric dehäi dörfe gniesse.

Kocht hän uns d Jutta, s Mami vom Patric und d Ruth, s Mami vom Chantal.

E Begehig vo de Badwanne inklusive Farb-Therapie hän dezue ghört...

E Bsuech bim Däni im Pub schtoht an de Fasnacht immer uf em Programm.

Do isch de Bewis, unser Sujet 2019 het si Berächtigung:

Feschthütte Oberwil wo bisch?

 

Alli Fasnächtler sind warschinlig scho im Bett.

Mit unsere Fraue hän mir am Zyschtig-Obe im Ambiente de Schnitzelbänggler zueglost.

E paar d'Spezi hän am Cherusball mitgmacht

Die drei scheenschte Dääg schten vor de Tir und es het allewyl e paar d'Spezi wo d Basler-Fasnacht beehre.

No isch es für alli duruf gange...

e Bödeli schadet sicher nit.

E so macht d Fasnacht äifach Spass

e paar d'Spezi wänns no mol wüsse.

S letzscht mol lade für d Binninger-Fasnacht.

de letscht d'Spezi isch no als John Travolta unterwägs. (Saturday Night Fever am Samschtig uf e Sunntig in Biel-Bängge)

Und denn isch d Fasnacht scho wieder verbi. D Göschtüm, d Larve, Zoggeli und Requisite wärde versorgt.

Aber noch der Fasnacht isch vor der Fasnacht.... wie immer.